Projektet

Projekti “Lobimi dhe avokimi për çështje të fuqizimit të grave”, Nëntor 2015 – Dhjetor 2016

Ky projekt kishte për qëllim të adresonte disa nevoja në fushën e fuqizimit të gruas duke u fokusuar në iniciativat advokuese të BE-së për gratë dhe tё drejtat e njeriut, në përputhje me udhëzimet dhe politikat e BE-së.

Kjo është arritur duke trajtuar mungesën e informacionit mbi rolin e BE-së në rritjen e barazisë gjinore në Shqipëri, nëpërmjet informimit publik mbi politikat e miratuara tё BE-së dhe legjislacionit për gratё dhe të drejtat e njeriut; ndërgjegjësimin e publikut mbi rëndësinë e rolit të BE-së në avancimin e zhvillimit të të drejtave të njeriut dhe të grave në Shqipëri; dhe avokimin me subjektet e BE-së si dhe me strukturat qeveritare, në avancimin e të drejtave të njeriut dhe të grave si dhe për kërkesat e politikave të BE-së.

Përveç kësaj, projekti synon rritjen e rolit të Rrjetit tё Fuqizimit tё Gruas nё Shqipёri (AWEN) për t’u bërë një nga aktorët kryesorë në iniciativat advokuese të BE-së për grate dhe të drejtave të njeriut në Shqipëri.

Programi 3-vjeçar “Mbrojtja dhe Promovimi i të Drejtave të Grave” mbështetur nga Sida, Janar 2016 – Dhjetor 2018.

Ky program është duke u zbatuar në bashkëpunim me të gjitha organizatat anëtare të rrjetit AWEN në të gjithë Shqipërinë dhe është i ndarë në tre komponentë:

Lobim dhe avokim me pushtetin qendror dhe vendor pёr promovimin dhe mbrojtjen e të drejtave të grave.
Aktivizimi i anëtareve të rrjetit AWEN për të realizuar projektet dhe nismat për mbrojtjen e të drejtave të grave, përmes mbështetjes financiare dhe asistencës teknike.
Ngritje e kapaciteteve të organizatave anëtare të rrjetit AWEN për të kontribuar në promovimin dhe mbrojtjen e grave dhe të drejtave të njeriut.

Projekti “Mbrojtja dhe Promovimi i të Drejtave të Grave” mbështetur nga Sida, Maj – Nëntor 2015.

Ky projekt ka synuar hartimin dhe rishikimin e proçedurave dhe manualeve të AWEN (monitorim dhe vlerësim, Manualit të Granteve, Manualit të Politikave dhe Proçedurave, etj.

Projekti “Mbrojtja dhe Promovimi i të Drejtave të Grave nëpërmjet ndërhyrjeve në 7 rrethe të Shqipërisë”, i financuar nga Ambasada Amerikane në Tiranë, Shtator 2014 – Korrik 2015.

Ky projekt synonte një ndërhyrje të plotë në nivel vendor për të kontribuar në çështjen e dhunës në familje nëpërmjet: monitorimit të plotë të rasteve të dhunës në familje të shqyrtuara nga gjykatat e qarkut në shtatë rajone; informim dhe realizim i aktivitete ndërgjegjësuese në këto rajone. Anëtaret e rrjetit AWEN kanё realizuar aktivitetet e projektit në nivel vendor; tre organizata/grupe janë përzgjedhur në Shkodër, Dibër dhe Sarandë për të marrë pjesë në një program pёr ngritjen e kapaciteteve.

Projekti “Fuqizimi i Rrjetit AWEN, fuqizimi i lëvizjes së grave në Shqipëri dhe promovimi i të drejtave të grave”, financuar nga Kvinna till Kvinna, Janar – Tetor 2014.

Fokusi i këtij projekti është forcimi dhe fuqizimi i rrjetit nëpërmjet një bashkëpunimi tё gjerë, mes vetё rrjetit dhe anëtareve tё saj; Ngritja e kapaciteteve përmes organizimit të një vizite studimore për të gjitha anëtaret e rrjetit; zhvillimi i planit strategjik të AWEN 2015-2018, etj.

Projekti “Fuqizimi i grave pёr pjesëmarrje në vendimmarrje dhe jetën politike në tetë rrethe të ndryshme të Shqipërisë, si ndryshim kyç për një zhvillim demokratik”, i mbështetur nga Fondi i Grave të Mesdheut, Janar-Qershor 2013.

Ky projekt shënon një rezultat të rëndësishëm së bashku me kontributin e rrjetit per avokim dhe lobim, për pjesëmarrje të shtuar të grave në vendimmarrje dhe politikë. Fondi i Grave tё Mesdheut është i pari nga donatorët, përveç Kvinna Till Kvinna.

Projekti “Fuqizimi i Rrjetit AWEN për të promovuar të drejtat e grave në Shqipëri”, financuar nga Kvinna till Kvinna, Janar – Dhjetor 2013.

Fokusi i këtij projekti ka qenë: Rritja e vizibilitetit dhe besueshmërisë së Rrjetit AWEN në nivel kombëtar dhe rajonal përmes takimeve të rrjetit; Bashkëpunimi midis vetë organizatave anëtare, si dhe mes organizateve anëtare dhe AWEN është rritur ndjeshëm; Rrjeti ёshtё zgjeruar me një organizatë të re anëtare; përveç Kvinna till Kvinna, AWEN gjatё këtij viti ka bashkëpunuar me tre donatorë të tjerë: UN Women, Agjencia për Mbështetjen e Shoqërisë Civile (AMSHC) dhe Fondi i Grave të Mesdheut.

Projekti “Fuqizimi i Rrjetit AWEN për të promovuar të drejtat e grave në Shqipëri”, financuar nga Kvinna till Kvinna, Janar – Dhjetor 2012.

Rrjeti AWEN ёshtё bërë gjithnjë e më i njohur për opinionin kombëtar dhe ndërkombëtar. Numri i takimeve dhe pjesëmarrjes në aktivitete të ndryshme me donatorët, strukturat qeveritare, organizatat ndërkombëtare dhe aktivitete të ndryshme kanë kontribuar në rritjen e vizibilitetit të AWEN. Gjatë zbatimit të projektit, AWEN ka arritur të rrisë partneritetin midis rrjeteve, koalicioneve dhe organizimin e grave në vend dhe rajon. Disa shembuj që tregojnë rritjen e vizibilitetit, partneritetet mes AWEN dhe aktorëve të ndryshë, janë: Protesta e AWEN në bashkëpunim me organizata dhe partnerë të tjerë në nëntor, në kuadër të fushatës 16-ditore kundër dhunës; AWEN kishte një rol koordinues për Shqipërinë në Forumin Freja, organizuar në Prill 2012 në Stamboll; AWEN ishte një nga aktorët kryesorë të koalicionit ad hoc për reformën zgjedhore në Shqipëri dhe rishikimin e Kodit Zgjedhor.

Projekti: “Krijimi i rrjetit AWEN, promovimi i të drejtave të grave në Shqipëri”, financuar nga Fondacioni Suedez Kvinna till Kvinna, Janar – Dhjetor 2011.

Nëpërmjet këtij projekti u krijua Rrjeti AWEN duke u plotësuar me stafin dhe ekspertёt e nevojshëm, si dhe u përfundua proçesi i regjistrimit ligjor në Gjykatë. Për të arritur te kjo e fundit janë organizuar njё sёrё takimesh të Rrjetit dhe është përgatitur i gjithë dokumentacioni i nevojshëm, si: statuti i shoqatës, rregullorja, kërkesa për regjistrim, etj. Sot AWEN ka stafin dhe zyrёn e saj që drejtpërsëdrejti kontribuojnë në forcimin e rrjetit. Nëpërmjet këtij projekti, AWEN u bë një rrjet i konsoliduar që filloi të funksionojë si një monitorues për të drejtat e grave në Shqipëri. Në kuadër të këtij projekti, anëtarët e AWEN në bashkëpunim me ekspertë përgatitën një raport monitorimi për zbatimin e CEDAW në Shqipëri.