AWEN përgjatë muajit mars 2024, ju bashkua “FemFest”, një festival aktivitetesh me shfaqje dhe diskutime, që ka për qëllim sensibilizimin e shoqërisë.
Mes paneleve të shumta si “S’ka orar për dhunë dhe ngacmime në vendin e punës”, “Gra që hapin shtigje” etj, gra dhe vajza u bënë bashkë për të folur mbi sfidat që kanë kaluar për të arritur suksesin, por edhe për të folur mbi problematika të tjera.
Pjesë e paneleve të diskutimit ishin edhe drejtues të institucioneve ligjvënëse në vend, ku njëzëri folën se ende ka shumë për të bërë kundër dhunës me bazë gjinore në Shqipëri.
Për të luftuar këtë fenomen, rëndësi të madhe ju kushtua edhe bashkëpunimit mes institucioneve dhe shoqërisë civile.
AWEN gjatë 6 muajve të fundit është duke realizuar mbrojtjen e 19 viktimave të veprave penale në Gjykatat e rretheve gjyqësore. Të gjitha rastet kanë përjetuar krime të dhunës me bazë gjinore kundër tyre dhe familjareve/ëve të tyre.
AWEN ishte pjesë e protestës së organizuar më 8 mars në Ditën Ndërkombëtare e të Drejtave të Grave kundër padrejtësive e pabarazive shoqërore.
Nuk ka kohë për të humbur për zbatimin e Agjendës Gruaja, Paqja, Siguria! Të drejtat nuk mund dhe nuk duhet ti marrim për të mirëqena!
U zhvillua më 7 dhjetor 2022 aktiviteti prezantues i studimit 'Dhuna seksuale dhe ngacmimi seksual - Një analizë e situatës', i realizuar nga AWEN.
