Në 19 mars 2024, AWEN ju bashkua sfidës së nisur nga AWA (Albanian Woman in Audiovisual) në fushatën kundër ngacmimit seksual #unetregoj. Duke synuar ndërgjegjësim më të gjerë, AWEN vendosi të nominojë 10 organizata të ndryshme në vend, një pjesë prej të cilave, anëtare të rrjetit.
Fushata e hapur kundër ngacmimit seksual me titullin “Unë tregoj” dhe nën sloganin “Ky qytet nuk hesht, por flet kundër ngacmimit seksual”, nisi në datën 6 mars 2024. Fushata tërhoqi vëmendjen e mijëra qytetarëve, pasi krahas rrjeteve sociale, mesazhet u shpërndanë nëpërmjet posterave edhe në vende publike si qendra e qytetit. Gjithashtu, qytetarët e linjave të transportit urban, u informuan nëpërmjet njoftimeve të ngjitura në autobusë se ku mund të raportohet ngacmimi seksual.
AWEN gjatë 6 muajve të fundit është duke realizuar mbrojtjen e 19 viktimave të veprave penale në Gjykatat e rretheve gjyqësore. Të gjitha rastet kanë përjetuar krime të dhunës me bazë gjinore kundër tyre dhe familjareve/ëve të tyre.
AWEN ishte pjesë e protestës së organizuar më 8 mars në Ditën Ndërkombëtare e të Drejtave të Grave kundër padrejtësive e pabarazive shoqërore.
Nuk ka kohë për të humbur për zbatimin e Agjendës Gruaja, Paqja, Siguria! Të drejtat nuk mund dhe nuk duhet ti marrim për të mirëqena!
U zhvillua më 7 dhjetor 2022 aktiviteti prezantues i studimit 'Dhuna seksuale dhe ngacmimi seksual - Një analizë e situatës', i realizuar nga AWEN.
