AWEN ka vijuar të ofrojë mbështetje ligjore për rastet që janë viktima të dhunës me bazë gjinore apo për rastet që kanë nevojë për përfaqësim ligjor dinjitoz në çështje të të drejtave të pronësisë.
Përmes mbështetjes ligjore të ofruar nga AWEN përgjatë 2023 kanë pëfituar 89 raste. Ndërkohë që përgjatë 2024, deri tani kanë përfituar asistence ligjore 24 raste, ndër përfituesit e të cilëve numërohen edhe fëmijë.
Ndër shërbimet që AWEN ofron, vërehet që ato të cilat nevojiten më shumë nga viktimat janë: procedurat për zgjidhje martese, aplikimet për ndihme sociale, ndihmë për pronësinë e banesës, etj.
Një nga shqetësimet kryesore të AWEN mbetet raportimi i herëpashershëm i viktimave, të cilëve u kërkohet pagesë për shërbimin ligjor falas pranë Bashkive të vendit.
AWEN do të vijojë me mbështetjen ligjore, si edhe ndërgjegjësimin, pasi e konsideron rehabilitimin e viktimave të dhunës me bazë gjinore thelbësor për mirëfunksionimin e shoqërisë.
AWEN gjatë 6 muajve të fundit është duke realizuar mbrojtjen e 19 viktimave të veprave penale në Gjykatat e rretheve gjyqësore. Të gjitha rastet kanë përjetuar krime të dhunës me bazë gjinore kundër tyre dhe familjareve/ëve të tyre.
AWEN ishte pjesë e protestës së organizuar më 8 mars në Ditën Ndërkombëtare e të Drejtave të Grave kundër padrejtësive e pabarazive shoqërore.
Nuk ka kohë për të humbur për zbatimin e Agjendës Gruaja, Paqja, Siguria! Të drejtat nuk mund dhe nuk duhet ti marrim për të mirëqena!
U zhvillua më 7 dhjetor 2022 aktiviteti prezantues i studimit 'Dhuna seksuale dhe ngacmimi seksual - Një analizë e situatës', i realizuar nga AWEN.
