Me pjesëmarrjen e të gjitha organizatave anëtare, u zhvillua në datat 15 dhe 16 shkurt 2024 në Golem, Durrës mbledhja e rrjetit AWEN. Ky takim dyditor, kishte për qëllim që nëpërmjet ndarjes së eksperiencave, praktikave më të mira të punës dhe jo vetëm, të çojë përpara nismat e ndërmarra për fuqizimin dhe mbrojtjen e të drejtave të grave në vendin tonë.
Anëtaret e rrjetit, u shprehën se diskutimet e bëra ishin mjaft frytdhënëse dhe do i ndihmojnë ato në nismat e marra për fuqizimin e grave në vendin tonë.
AWEN gjatë 6 muajve të fundit është duke realizuar mbrojtjen e 19 viktimave të veprave penale në Gjykatat e rretheve gjyqësore. Të gjitha rastet kanë përjetuar krime të dhunës me bazë gjinore kundër tyre dhe familjareve/ëve të tyre.
AWEN ishte pjesë e protestës së organizuar më 8 mars në Ditën Ndërkombëtare e të Drejtave të Grave kundër padrejtësive e pabarazive shoqërore.
Nuk ka kohë për të humbur për zbatimin e Agjendës Gruaja, Paqja, Siguria! Të drejtat nuk mund dhe nuk duhet ti marrim për të mirëqena!
U zhvillua më 7 dhjetor 2022 aktiviteti prezantues i studimit 'Dhuna seksuale dhe ngacmimi seksual - Një analizë e situatës', i realizuar nga AWEN.
