Anëtaret e rrjetit AWEN u mblodhën në fillim të muajit nëntor 2023 në një retreat treditor në natyrën e mrekullueshme të Këlcyrës, i cili kishte në thelb mirëqënien e tyre fizike dhe emocionale.
Programi i retreat-it u fokusua te forcimi i solidaritetit, mbështetjes dhe ndërlidhjes organike të grave pjesëtare të rrjetit me njëra-tjetrën. Për AWEN është thelbësore mbështetja e mirëqenies së anëtareve, si edhe krijimi i një hapësire të sigurt ku ndahen përvoja dhe zhvillohet sinergji.
Retreat-i u mbajt te ferma “Grand Albanik”, një sipërmarrje e menaxhuar nga gra të apasionuara pas agroturizmit të qendrueshëm dhe zhvillimit rural, të cilat janë kthyer në një hallkë të rëndësishme të zinxhirit zhvillimor të zonës.
Retreat-i, u pasurua edhe më tepër nga Deni Sanxhaku, që krijoi një hapësire të sigurt me përkushtimin dhe sjelljen e praktikave të reja holistike, me synim mirëqenien dhe fuqizimin e grave.
AWEN gjatë 6 muajve të fundit është duke realizuar mbrojtjen e 19 viktimave të veprave penale në Gjykatat e rretheve gjyqësore. Të gjitha rastet kanë përjetuar krime të dhunës me bazë gjinore kundër tyre dhe familjareve/ëve të tyre.
AWEN ishte pjesë e protestës së organizuar më 8 mars në Ditën Ndërkombëtare e të Drejtave të Grave kundër padrejtësive e pabarazive shoqërore.
Nuk ka kohë për të humbur për zbatimin e Agjendës Gruaja, Paqja, Siguria! Të drejtat nuk mund dhe nuk duhet ti marrim për të mirëqena!
U zhvillua më 7 dhjetor 2022 aktiviteti prezantues i studimit 'Dhuna seksuale dhe ngacmimi seksual - Një analizë e situatës', i realizuar nga AWEN.
