8 marsi i 2022 risolli në vëmendje, si çdo vit, përpjekjet e grave ndër shekuj për të fituar të drejta dhe një jetë të dinjitetshme për të gjitha gratë e botës. Femicidi dhe varfëria e skajshme vazhdojnë të shkaktojnë të gjitha grave e vajzave pasiguri prej dhunës sistemike dhe vrasjes. AWEN ju bashkua protestës kundër shtypjes dhe institucioneve patriarkale, për lirinë e të gjitha grave ku u kërkua:
- Liria per të jetuar të sigurta një jetë pa dhunë
- Liria për të thyer stereotipet gjinore
- Liria për kushte të dinjitetshme pune dhe barazi në paga
- Liria për të mos u diskriminuar në baza të racës, statusit ekonomik, identitetit gjinor, etnisë, moshës apo preferencave seksuale
- Liria për një jetë pa luftë dhe shtypje
- Liria për të pushuar dhe për t’u kujdesur për veten
- Liria për t'u organizuar në sindikata, kolektive e grupime komunitare
- Liria për të qënë vetvetja
- Liria për të menduar dhe vepruar
- Liria për të imagjinuar dhe ndryshuar veten dhe botën
- Liria për të dashuruar këdo
AWEN gjatë 6 muajve të fundit është duke realizuar mbrojtjen e 19 viktimave të veprave penale në Gjykatat e rretheve gjyqësore. Të gjitha rastet kanë përjetuar krime të dhunës me bazë gjinore kundër tyre dhe familjareve/ëve të tyre.
AWEN ishte pjesë e protestës së organizuar më 8 mars në Ditën Ndërkombëtare e të Drejtave të Grave kundër padrejtësive e pabarazive shoqërore.
Nuk ka kohë për të humbur për zbatimin e Agjendës Gruaja, Paqja, Siguria! Të drejtat nuk mund dhe nuk duhet ti marrim për të mirëqena!
U zhvillua më 7 dhjetor 2022 aktiviteti prezantues i studimit 'Dhuna seksuale dhe ngacmimi seksual - Një analizë e situatës', i realizuar nga AWEN.
